ՄԵՍՐՈՊ ՄԱՇՏՈՑԻ ԱՆՎԱՆ ԵՐԿԱՐՕՐՅԱ
ՈՒՍՈՒՄՆԱԿԱՆ ՀԱՄԱԼԻՐ
ՏՅԱՌՆԸՆԴԱՌԱՋԸ
Տյառնընդառաջը (Տրնդեզը) ամենատարածված տոներից է Հայաստանում: Տյառնընդառաջը հայ առաքելական եկեղեցին համարում է տերունական տոն, քանի որ այն քառասուն օրական Հիսուսին եկեղեցի բերելու հիշատակություն է խորհրդանշում: Հիսուսի ծնունդից հետո Երուսաղեմի բնակիչները ջահերով ու ճրագներով շտապում են տեսնելու նրան: Տյառնընդառաջը նշանակում է Տիրոջն ընդառաջ: Այն նշվում է Հիսուսի ծնունդից քառասուն օր հետո` փետրվարի 14-ին: Տոնի ծիսական արարողությունները սկսվում են փետրվարի 13-ին` երեկոյան ժամերգությամբ: Նախատոնին վառվում են եկեղեցու մոմերն ու ճրագները, որպես խորհուրդ Հիսուսի երեկոյան ժամին տաճար գալուն: Խարույկ վառել ու նրա վրայով թռչելը ժողովրդական ավանդույթ է: