ՄԵՍՐՈՊ ՄԱՇՏՈՑԻ ԱՆՎԱՆ ԵՐԿԱՐՕՐՅԱ ՈՒՍՈՒՄՆԱԿԱՆ ՀԱՄԱԼԻՐ

ԳԱՐՆԱՆԱՅԻՆ ԱՆՄՈՌԱՆԱԼԻ ՕՐԵՐ ՓԱՐԻԶՈՒՄ Մ. Մաշտոցի անվան ուսումնական համալիրի 6-րդ դասարանի աշակերտները, ուսուցիչների ուղեկցությամբ, գարնանային արձակուրդներն անցկացրին Ֆրանսիայի սրտում՝ հիասքանչ Փարիզում։ Այս ճամփորդությունը դարձավ ոչ միայն հանգիստ, այլև գիտելիքների ու նոր բացահայտումների հրաշալի հնարավորություն։ Ճամփորդության ընթացքում աշակերտները այցելեցին Լուվրի և Օրսեյի թանգարաններ, բացահայտեցին Վերսալի շքեղությունը, եղան Աստվածամոր տաճարում և վայելեցին Էյֆելյան աշտարակի անկրկնելի տեսարանը։ Աշակերտնեը շրջեցին Մոնմարտրի փողոցներով, այցելեցինԴիսնեյլենդ, նավարկեցին Սենա գետով, ծանոթացան ֆրանսիական մշակույթին և համտեսեցին ազգային նրբահամ ուտեստներ։ Ճամփորդությունը առավել ջերմ ու հիշարժան դարձրեց Շավիլ քաղաքի քաղաքապետարանի կողմից կազմակերպված ընդունելությունը։ Հայկական խմբին ողջունեցին առաջին քաղաքապետ պարոն Գիյեն և երկրորդ քաղաքապետ պարոն Լիեվղըն։ Մ. Մաշտոցի անվան ուսումնական համալիրի ֆրանսերենի ուսուցչուհի Ռ. Զախարովան շնորհակալություն հայտնեց ջերմ հյուրընկալության, ձևավորված բարեկամության և հետագա համագործակցության ծրագրերի համար։ < /td>