Նորից սեպտեմբերի 1-ն է`
գիտելիքի և դպրության օրը:
Այս օրը մեծ խորհուրդ ունի.
հարյուրավոր առաջին դասարանցիներ
առաջին անագամ ոտք են դնում դպրոցի շեմին,
որտեղից էլ սկսվում է նրանց կյանքի ճանապարհը:
Սիրելի՛ երեխաներ,
ողջունելով ձեզ մեր կրթօջախում`
համոզված եմ, որ այս լուսավոր դարբնոցում դուք կկարողանաք ձեռք բերել հզոր ու կայուն գիտելիքներ:
Այդ գիտելիքները ձեզ կդարձնեն ուժեղ, դիմացկուն:
Այդ գիտելիքները կօգնեն ձեզ, որ շենացնեք մեր հայրենիքը:
Դուք եք մեր ապագան, և մենք ուզում ենք, որ այդ ապագան լինի հուսալի ու ամուր ձեռքերում:
Շնորհավորելով Ձեզ այս լուսավոր օրվա առթիվ`
մաղթում եմ բոլորիդ քաջառողջություն, խաղաղ երկինք:
Թող մաքուր-մաքուր երազները սկիզբ առնեն դպրոցից, թող ձեր միտքը հարստանա ու հզորանա, որ կարողանաք երկիր մոլորակի վրա ձեր տեղն ունենալ:
Թող զանգի ղողանջները ազդարարեն ձեր մուտքը մեր դպրոց:
Համոզված եմ` բոլորիդ սպասվում է հետաքրքրություններով լի ուսումնական տարի:
Բարի գալուստ Մեսրոպ Մաշտոցի անվան ուսումնական համալիր …
Մ. Մաշտոցի անվան ուսումնական համալիրի
տնօրեն` Լիանա Քամալյան
|
 |
|
